Mediat britanike kanëpublikuar një dokument sekret të hartuar nga Shëndeti Publik i Britanisë, sipas të cilit virusi Covid 19 pritet të zgjasë për një vit, deri në pranverën e vitit 2021.
Dokumenti është publikuar nga “Guardian”.
Ekspertët parashikojnë se në Britaninë e Madhe, Covid 19 do të infektojë 80 përqind të popullatës, nga të cilët 7,9 përqind e personave do të shtrohen në spital.
Profesori Chris Whitty, këshilltar i kryeministrit Boris Johnson, ka bërë thirrje të vazhdueshme për një betejë të gjatë ndaj urgjencës së koronavurist, por pa treguar afate.
Dokumenti parashikon se në 12 muajt e ardhshëm, mjekët në Britaninë e Madhe duhet të përgatiten për të kuruar rreth 15 përqind të popullsisë.
Dokumenti gjithashtu thotë se:
Shërbimi shëndetësor nuk mund të përballojë numrin e madh të personave me simptoma që duhet të testohen sepse laboratorët janë “nën presione të konsiderueshme të kërkesës”.
Tani e tutje do të testohen vetëm të sëmurët shumë seriozë që janë tashmë në spital dhe njerëzit në shtëpitë e përkujdesjes dhe burgjet ku është zbuluar koronavirusi.
Shërbimet e testimit janë nën një tendosje të tillë që edhe stafi i NHS nuk do të shtrihet, pavarësisht rolit të tyre kryesor dhe rrezikut që ata të kalojnë virusin tek pacientët.
Nëse shkalla e vdekshmërisë rezulton të jetë 1%, sipas raportit, kjo do të nënkuptonte 531.100 vdekje. Por nëse norma do të jetë më afër 0.6%, atëherë kjo do të përfshijë 318.660 njerëz që vdesin.
Ekspertët që këshillojnë qeveritë në të gjithë botën për mënyrën se si rriten epidemitë dhe përfundimisht bien, thonë se do të ketë një rritje të shpejtë të rasteve në një kulm – dhe më pas një rënie.
Strategjia e të gjitha vendeve është të vonojë kulmin dhe ta zgjas atë për një periudhë më të gjatë kohore, në mënyrë që shërbimet shëndetësore të jenë më të afta ta përballojnë.
