Ish-Kryeministri Sali Berisha mbështet stafin mjekësor të spitalit të Durrësit, ndërsa e cilëson të paimagjinueshme, madje “banditizëm zyrtar”, dhënien e përgjigjes së analizave që kanë kryer në ISHP.
Mjekët dhe infermierët iu nënshkruar analizave pasi një paciente 73-vjeçare humbi jetën si pasojë e koronavirusit. Zyrtarisht u tha se asnjë nga personeli mjekësor nuk ishte i prekur nga koronavirusi, por mjekët dhe infermierët reaguan duke kërkuar përgjigje individuale për analizat.
“Infermierët, që i shërbyen së sëmurës, që vdiq nga koronavirusi, i vendosin në karantinë dhe iu thonë se analiza juaj per koronavirus ka dalë negative, por kur ato kërkojnë analizën, refuzojnë t’ua japin, sikur të mos ishte e tyre, por e Edvin Çekap Maskës dhe Ndrikull Hajni Maskës.
Ky është një qëndrim kafshëror që shkel çdo rregull dhe kod mbi tokë. Kjo mund të ndodhë vetëm në Korenë e Veriut ku qeniet njerëzore konsiderohen qenie shtetërore.
Me këtë qëndrim, Edvin Çekap Maska dhe Ndrikull Hajni Maska, duan te fshehin përmasat e superskandalit me rastin e Durrësit dhe pasojat tejet të rënda për spitalin dhe mbarë qytetin e Durrësit.
Shpreh solidaritetin tim të plotë me punonjësit e shëndetësisë të spitalit të Durrësit dhe mbarë vendit dhe dënoj me ashpërsinë më të madhe këtë qëndrim kafshëror të Edvin Çekap Maskës dhe Ndrikull Hajnisë ndaj infermiereve të spitalit të Durrësit dhe kërkoj dhënien urgjente të rezultatit të analizës së tyre për koronavirus”, shkruan Berisha në rrjet.
