Instituti i Gjeoshkencave, Energjisë dhe Ujit parashikon që në orët në vijim moti do të jetë me reshje mesatare deri intesive në disa qarqe. Kështu, sipas IGJEUM, Vlora dhe Gjirokastra janë qarqet që do të kenë reshje intensive, ndërsa Korça do jetë me reshje mesatare.
RESHJET
Sot pasdite (e shtunë, dt. 07) dhe nesër (e diel, dt. 08) priten reshje intensive në qarqet Vlorë dhe Gjirokastër dhe mesatare në qarqet e tjerë. Në qarkun Korçë, reshjet priten deri në lokalisht intensive.
Në disa prej qarqeve reshjet do jenë të shoqëruara edhe me shtrëngata (siç tregohet në tabelë për secilin qark).
Nivelet e lumenjve në të gjithë territorin do të arrijnë nivele të larta në pjesët fushore përgjatë ditëve të fundjavës. Nivelet e larta janë llogaritur nga IGJEUM brenda kuotave të argjinaturave dhe nuk priten dalje të lumenjve nga shtrati. Për çdo ndryshim në llogaritjet hidrologjike do t’ju njoftojmë në buletinin e ditës së nesërme.
TEMPERATURAT
Nesër (e diel, dt. 08) temperaturat minimale dhe maksimale të ajrit pritet të arrijnë:
në bregdet: 9 / 14 °C
në vendet e ulëta: 9 / 13 °C
në vendet malore: 5 / 11 °C
ERA
Sot pasdite (e shtunë, dt. 07) dhe nesër (e diel, dt. 08) era pritet të fryjë e lehtë deri mesatare.
