Vazhdon telenovela, Interi refuzon datën 9 mars për sfidën ndaj Juventusit

Sipas raportimeve të fundit, 18 klube të Serisë A kanë pranuar që sfida ndërmjet Juventus-it dhe Interit të luhet në datën 9 mars, ashtu siç propozoi dhe Liga e Futbollit Italian, por Interi dhe Napoli kanë bllokuar gjithçka.

Vendimi për të shtyrë ndeshjen u mor për shkak të përhapjes së Coronavirusit dhe tani Liga e Futbollit Italian po gjen vështirësi të caktojë një datë që të pranohet nga të gjitha palët.

Plani më i fundit është që sfida të luhet të hënën e 9 marsit, por siç e përmendëm më lart Interi dhe Napoli janë kundra kësaj ideje.

LEXO EDHE  Shaqiri larg Liverpool-it por pritet të mbetet në Premier League

Në fakt drejtori i klubit zikaltër, Beppe Marotta, përpara gazetarëve ditën e djeshme, e quajti këtë ide të pranueshme por ditën e sotme duket se ka ndërruar mendje.

Gjithsesi një vendim përfundimtar, pritet të merret ditën e nesërme, ku 20 klubet e Serisë A do të organizojnë një mbledhje ku do të diskutojnë dhe votojnë për hapin e radhës.

Kujtojmë që përveç Juventus-Inter, të anuluara janë edhe katër ndeshje të tjera, ato mes Udinese-Fiorentina, AC Milan-Genoa, Parma- SPAL dhe Sassuolo-Brescia.