Seanca gjyqësore ndaj 31 të arrestuarve në kuadër të operacionit “Mezhgorani” është shtyrë dhe pritet të nisë rreth orës 13:30. Shkak për shtyrjen e seancës është bërë lidhja mes gjyqtarit Dritan Hasani dhe njërit prej të ndaluarve.
Sikundër raportohet Hasani dhe i ndaluri kanë qenë bashkë në një shkollë.
Në operacionin “Mezhgorani” u arrestuan me urdhër të Prokurorisë Përmet 31 persona, mes të cilëve edhe botuesi, analisti dhe pronari i EUT-së, Henri Çili.
Në seancën e sotme gjyqësore pritet të caktohen masat e sigurisë për të arrestuarit.
Në fillim u raportua se seanca do të niste rreth orës 12:00 ndërsa do të drejtohej nga Dritan Hasani, ndërsa gjyqtarja Yrvete Shkreli është përjashtuar me kërkesë të prokurorit Asllan Bajrami.
