Ditën e sotme luhen tre ndeshje të vlefshme për raundin e 26-të të Serisë A.
Ndeshja e parë do të jetë ajo mes Lacios dhe Bolognas, e cila luhet në orën 15:00. Skuadra e Simone Inzaghit gjendet në pozicionin e dytë në tabelën e renditjes me 59 pikë, ndërsa ekipi i drejtuar nga Sinisa Mihaljovic renditet në vendin e 10-të.
Me një fitore ditën e sotme, Lacio ka mundësinë të marrë kryesimin e tabelës në kuotën e 62 pikëve. Një shtysë më tepër për të fituar është dhe supersfida e së dielës mes Juventusit dhe Interit, ku Lacio pavarësisht rezultatit në atë ndeshje do të ishte në gjendje të përfitonte.
Takimi tjetër është ai mes Napolit dhe Torinos, e cila luhet në orën 20:45. Me ardhjen e Gennaro Gattusos në stolin drejtues, skuadra e Napolit ka përmirësuar ndjeshëm rezultatet në fushën e lojës. Napoli vjen pas 2 fitoreve kundër Cagliarit dhe Brescias dhe tanimë objektivi i skuadrës për një vend në Europë është më se i mundshëm.
Torino nga ana tjetër ndodhet në një situatë plotësisht negative teksa kanë humbur 5 ndeshjet e fundit në kampionat. Skuadra e drejtuar nga Moreno Longo renditet në vendin e 14-të me asnjë objektiv të qartë.
Ndeshja tjetër për ditën e sotme në Serinë A, është ajo mes Udineses dhe Fiorentinës.
