Një fëmijë i moshës 4 vjeç rezulton i prekur nga koronavirusi. Fëmija që është prekur është nga zona e Castiglione d’Adda.
Lajmi është bërë i ditur sot nga këshilltari për Mirëqënien i Lombardisë, Gulio Gallera. Sipas mediave italiane, 4-vjeçarja mund të ketë marrë infeksionin në spitalin në Codogno,ku në të njëjtën kohë ka qenë i shtruar edhe 38-vjeçari që u regjistrua si “pacienti 1”.
4-vjeçarja tashmë po mbahet e izoluar në shtëpinë e saj në fshatin Bassa të Italisë, por sipas ekspertëve do të jetë më e lehtë që imuniteti i saj ta përballojë dhe të shërohet shpejt nga koronavirusi sepse deri më tani në rastet e viktimat kanë qenë vetëm grupmosha të vjetëra.
Më parë ishte raportuar se fëmijët ishin të imunizuar nga koronavirusi që shpërtheu në Kinë dhe u përhap me shpejtësi në 38 vende të Botës. Ai ka rezultuar fatal për moshat e treta, kryesisht personat e prekur nga sëmundje të tjera.
Në Itali deri në tani janë shënuar 11 viktima dhe mbi 320 persona janë infektuar. Raste të përhapjes së COVID 19 janë raportuar edhe në Greqi, Kroaci etj.
