Maldini zbulon kushtin për rinovimin e Ibrahimovich-it

Drejtori teknik i Milanit, Paolo Maldini, deklaron se Ibrahimovich do të rinovojë kontratën me kuqezinjtë, vetëm nëse skuadra arrin të kualifikohet në Ligën e Kampioneve.

Ibrahimovich, 38 vjeç, iu bashkua Milanit në merkaton e janarit dhe ka pasur një impakt të menjëhershëm në “San Siro”. Suedezi firmosi një kontratë gjashtë mujore, por sipas Maldini-t, gjasat janë që kjo kontratë të rinovohet.

Në një intervistë për “Sky Sport Italia”, legjenda e Milanit ka thënë: “Në kontratën 6-të mujore të Ibrahimovich ekziston një klauzolë, që nëse skuadra kualifikohet për në Ligën e Kampioneve atëherë rinovimi do të bëhet në mënyrë automatike”.

“Nëse nuk e arrijmë këtë objektiv atëherë e vetmja rrugë do të jetë të ulemi në tryezën e bisedimeve për të negociuar përsëri. Ai është gjithmonë i hapur për dialog dhe jemi optimistë për një marrëveshje”.

LEXO EDHE  Bonaventura thuajse i larguar nga Milani, Roma shfaq interes për lojtarin