Divergjenca në nivelet më të larta drejtuese të Milanit që shkaktojnë një çarje të madhe në klubin kuqezi.
Drejtori sportiv, Paolo Maldini dhe Gerry Cardinale nuk i kanë kursyer tonet e larta në një takim ku duhej të bëhej programimi i merkatos së verës për ta forcuar sa më shumë skuadrën por mesa duket klubi nuk ka ndërmend ta hapë portofolin.
Në krahun tjetër, kompania “RedBird” ka kërkuar llogari për sezonin e dobët ku Milani nuk arriti të shkonte më shumë se vendi i katërt dhe u mund plot 4 ndeshje rresht nga Interi në derbi me blerjet e Charles De Ketelaere dhe Divock Origi si simbol i dështimit të fushatës së fundit të blerjeve.
Pas kësaj përplasjeje, sipas mediave italiane, Maldini shkarkohet bashkë me ndihmësin e tij Massara për t’i dhënë fund edhe epokës si drejtues.
