Messi i jashtëzakonshëm, “poker” në fitoren e Barcelonës

Barcelona ka fituar me rezultatin 5-0 kundër Eibar-it, në ndeshjen e vlefshme për javën 25-të të La Ligës.

Lionel Messi ishte autor i plot katër golave, i cili sot ishte i papërmbajtshëm.

Goli i parë erdhi në minutën e 14-të, teksa argjentinasi me një lëvizje spektakolare shmangu tre kundërshtarë duke dërguar më pas topin në rrjetë. Dyfishimi i rezultatit erdhi në minutën e 37-të teksa në një situatë të ngjashme, 32-vjeçari deportoi mes tre kundërshtarëve duke shënuar.

LEXO EDHE  NBA përgatitet për rikthimin në parket, prezantohet plani për përfundimin e sezonit

Vetëm tre minuta më vonë, erdhi trefishimi i rezultatit, ku autor ishte përsëri Messi.

Në pjesën e dytë, Barcelona kontrolloi lojën, ndërsa në fundin e lojës shënoi edhe 2 herë. Messi kompletoi “pokerin” personal në minutën e 88-të, ndërsa vetëm një minutë më vonë festë kishte edhe për mesfushorin Arthur, i cili shënoi golin e pestë për skuadrën.