“Shteti ka rënë, arka është bosh”/ Maliqi: Zgjedhjet e parakohshme domosdoshmëri, kjo qetësi është vrastare

Deputeti Lefter Maliqi përmes një postimi në rrjet shkruan se prej 26 nëntorit ka vetëm show, ndërsa shteti ka rënë dhe shpresa e vetme janë shtetet e tjera dhe donatorët.

Maliqi thekson se njerëzit e prekur nga tërmeti vijojnë të jenë në çadra, për 51 viktimat e shkaktuara nga tërmeti s’ka drejtësi, ndërsa qetësia është vrastare për fatet e vendit.

Duke i cilësuar zgjedhjet e parakohshme si domosdoshmëri jetike, Maliqi sjell në vëmendje Konicën, i cili ka thënë “Shqipëria lindi nga zoti por mund të vdesë nga politikanët”.

Postimi nga Lefter Maliqi

Fatkeqësi, skandal, turp, shoë vazhdon. Drejtësi për 51 viktimat e tërmetit në Durrës e Thumanë nuk ka, njerëzit akoma në çadra, pjesa më e madhe pa qera, ndërtime s’ka.

LEXO EDHE  Pas paketës anti-KÇK, Komisioni i Ligjeve rrëzon edhe dekretin e Metës për ligjin për pronat

Asgjë s’ka ndryshuar që nga 26 nëntori, vetëm show! Shteti ka rënë, arka e shtetit është bosh, borxhi është rritur jashtë mase, vendi drejt falimentimit.

Kanë shpresë vetëm nga shtetet e tjera dhe donatorët.

Truri po largohet. Keqardhje, kjo qetësi është vrastare për fatet e vendit.

Zgjedhjet e parakohshme domosdoshmëri jetike. Konica ka thënë Shqipëria lindi nga zoti por mund të vdesë nga politikanët. Kjo s’duhet të ndodhë!