Patozi: Mbrojtja që Rama po i bën Dakos është njëlloj si në diktaturë

Kreu i Bindjes Demokratike Astrit Patozi ka reaguar pas deklaratave të kryeministrit Edi Rama, ku mbrojti publikisht Vangjush Dakon, duke e cilësuar mik të tijin edhe nëse dënohej me burg.

Sipas Patozit, mbrojtja që Rama i bën Dakos është njësoj si në kohën e diktaturës, ‘ku anëtarët e byrosë politike ishin me Partizanin dhe thërrisnin arbitrat se luan Partizani me Tiranën, i thonin se ti mbaje ndeshjen korrekte, por ne jemi me Partizanin ta dish. Edhe çështja e mbrojtjes që i ka bërë si një mik një eksponenti që ka pasur lidhje me krimin e organizuar dhe me bandat’.

Gjithashtu Patozi ka komentuar edhe takimet që komisioni i Venecias po zhvillon ditët e fundit në vendin tonë. Sipas tij, Shqipëria është shndërruar në një shtet kartoni ku asnjë institucion nuk funksionon siç duhet.

“Kur shikoj se eksponentët e Venecias vijnë në Tiranë me çanta në duar çdo dy ditë me vjen keq se ne u kemi dërguar aq shumë çështje sa jemi bërë qesharak. Ne na ka plasur cipa dhe çështjet atje mund të jenë dhe më shumë se vetëm ato që kemi çuar. Kjo tregon se të gjithë institucionet e shtetit shqiptar janë në një rënie të lirë pa frena dhe pa doganë.

Nuk dua të intepretoj nëse ka apo jo presidenti në emërimet, por di të them se vonesa e Kushtetueses është e qëllimshme, pasi të gjithë palët kanë futur duar në vonesën e saj pasi e cilësojnë si një pikë të rëndësishme të cilat kanë dosje për fatet politike të disa personazheve.

Mungesa e Kushtetueses në një shtet prej kartoni siç është Shqipëria mund të përdoret dhe po keqpërdoret, në një vend tjetër mungesa e Gjykatës Kushtetuese nuk do të ndodhte. Kjo bëhet sa më e shtyrë si çështje presidenti thotë kushtetuta është e imja kuvendi nga ana tjetër është e imja,”-tha Patozi.

LEXO EDHE  E zë korrenti, humb jetën elektriçisti

Kreu i BD ka folur edhe për paketën Anti-KÇK, duke e cilësuar të kotë pas 6 vite e gjysmë korrupsioni nga ana e qeverisë.

“Paketa Anti KÇK ka pranuar kapitullimin e saj, ka pranuar se për 6 vjet e gjysëm ka rrahur ujin në havan. Kjo që demostron qeveria sot nuk është shenjë force por dobësie, se të ishte e fortë nuk kishte nevojë për Anti KÇK“, tha ndër të tjera Patozi.