Zv. Prokurori i Përgjithshëm, Thoma Jano është përballur sot me Komisionin e Pavarur të Kualifikimit. Trupa gjykuese për Janon përbëhej nga Brunilda Bekteshi, Lulzim Hamitaj dhe Olsi Komici.
Thoma Jano, në dhjetor të 2019 është zgjedhur në rolin e zv. kryeprokurorit nga Prokurori i Përgjithshëm, Olsian Çela.
Para trupës gjykuese, Jano është shprehur se në vitet 2005-2007 vajza ka qëndruar jashtë vendit, pasi ka ndjekur një master në SHBA.
Në lidhje me mbulimin e shpenzimeve, subjekti ka sqaruar se vajza ka qenë asistent pedagoge në të njëjtin fakultet, duke përfituar një pagë 30 mijë dollarëshe në vit.
Djali i Thoma Janos në 2004, me ndërmjetësimin e shkollës ka bërë vizitë në SHBA. Përvec akomodimit është shpërblyer me 1300 dollarë për punën e kryer.
Sakaq, KPK kostaton se dokumentet për shkollimin e vajzës janë përkthyer dhe noterizuar, por pa vulë apostile.
Lidhur me kriterin e pastërtisë së figurës, KPK është shprehur se nuk ka prova apo informacione që ngrenë dyshime për kontakte të tij me krimjn e organizuar.
Për kriterin e pasurisë, sipas ILDKPKI-së Thoma Jano ka bërë deklarimi të saktë, nuk ka fshehje, nuk ka deklarim të rremë, nuk ka konflikt interesi.
Ndërkohë nga hetimi i thelluar administrativ rezultoi se subjekti zotëron:
– apartament banimi 133 m2, blerë 5 mln lekë, me kredi të butë.
Sipas KPK-së, ka përputhje të dokumentacionit dhe pasuria është e justifikuar.
– autoveturë “Mercedes” blerë në 2011, 1800 euro.
KPK vlerëson se ka pasaktësi në deklarimin e çmimit të blerjes.
– llogari bankare, e justifikuar, krijuar me 1 mln lekë të ardhura nga shitja e një banese në Korcë.
DENONCO