Dy persona janë arrestuar nga policia, pas ngjarjes së mesditës së sotme në Shkodër, ku një person ka qëlluar me armë zjarri në ajër duke përhapur panik tek qytetarët. Burime për BoldNews.al bëjnë me dije se në prangat e policisë kanë përfunduar Gledis Ustabeqiri 26 vjeç dhe Hygert Muçaj 32 vjeç.
Ngjarja ka ndodhur pas një konflikti të dy personave të prangosur me T.Ahmetin. Ngjarja ka ndodhur mesditën e sotme rreth orës 14:00 në Parrucë. Debati mes tyre ka qenë i çastit duke i thënë njëri-tjetrit ‘pse më pe ashtu’.
Bëhet me dije se ata janë ulur nga mjetet dhe mes tyre ka nisur debate derisa është dëgjuar një e shtënë që ka trembur qytetarët që po kalonin sepse ngjarja ndodhi në lagjen “Parrucë” në qendër të qytetit.
Policia e Shkodrës ka shoqëruar edhe shtetasin Taulant Ahmeti që u përfshi në këtë debat me dy të rinjtë e tjerë të cilët janë arrestuar nga policia e Shkodrës.
Njoftimi i policisë:
Shkodër/ Informacion Paraprak
Më datë 12.02.2020, rreth orës 14:00, në vendin e quajtur Parruce, në rrethana ende të paqarta, dyshohet se një shtetas ka qëlluar në ajër me armë zjarri dhe është larguar me automjet. Nga verifikimet e bëra nga policia nuk ka persona të dëmtuar.
Shërbimet e Policisë kanë shkuar menjëherë në vendngjarje së bashku me grupin hetimor dhe vijon puna për sqarimin e rrethanave të ngjarjes, me qëllim identifikimin dhe kapjen e autorit.
***
Ish-kryeministri Sali Berisha ka bërë publik mesazhin e një qytetari shkodran i cili thekson se gjatë ditës së sotme ka pasur sërish përplasje me armë mes bandave në qytetin e Shkodrës.
Sipas qytetarit nga përplasja me armë mes bandave është rrezikuar seriozisht jeta e njerëzve, ndërsa shton se policia ka mbërritur 15 minuta me vonesë në vendngjarje në mënyrë që tu jepte kohë banditëve të largoheshin.
Ndërkohë qytetari ka dhe disa pyetje për kryeministrin Edi Rama, se kur do të kthehet qetësia në qytetin e Shkodrës?
Kur do goditen bandat ?
Kur qytetarët do dalin të sigurtë nga shtëpitë e tyre?
Kur do jenë të sigurtë bizneset nga gjobat?
A ekziston Shkodra për ju të dy, Edi Rama dhe Lleshaj ?
A ekziston OFL , SPAK , etj në Shkoder?
LEXO EDHE:
