Ditën e sotme luhen ndeshjet e kthimit për fazën e 1/8-ve të Kupës së Shqipërisë.
Sfida e cila do të ketë vëmendjen më të madhe është ajo mes Partizanit dhe Besëlidhjes. Lezhjanët fituan 3-0 në ndeshjen e parë duke befasuar skuadrën e drejtuar nga Sormani.
Ndaj në sfidën që luhet në “Elbasan Arena”, kampionët në fuqi të Superligës do të kërkojnë kthesën e madhe.
Po në grupin A, një ndeshje tjetër mjaft e fortë, është ajo mes Flamurtarit dhe Vllaznisë. Në Shkodër skuadrat u ndanë në barazim 2-2, çka e bën ndeshjen e kthimit spektakolare për të siguruar një vend për në çerekfinale.
Tirana dhe Teuta pritet ta kenë formalitet kualifikimin, pasi kanë fituar 3-1 jashtë fushës respektivisht ndaj Kastriotit dhe Erzenit.
Në Grupin B, përballja kryesore është pa dyshim Laçi–Bylis. Në Ballsh mallakastriotët fituan pastër 2-0 në një sfidë mjaft të luftuar. E tillë pritet dhe ndeshja e kthimit në Laç, pasi kurbinasit do të tentojnë me të gjitha forcat përmbysjen e rezultatin.
Kukësi do të presë Lushnjën për një ndeshje formale, pasi e ka fituar ndeshjen e parë 0-1, sikurse Skënderbeu nuk pritet të hasë në ndonjë rezistencë të Besës, që u mposht 0-2 në takimi e vajtjes në Kavajë.
Ndeshjet luhen të gjitha në orën, 13:30.
Rezultatet e ndeshjeve të para:
GRUPI A
PARTIZANI – BESËLIDHJA (0-3)
FLAMURTARI-VLLAZNIA (2-2)
TIRANA – KASTRIOTI (3-1)
TEUTA-ERZENI (3-1)
GRUPI B
KUKËSI -LUSHNJA (1-0)
SKËNDERBEU – BESA (2-0)
LAÇI – BYLIS (0-2)
LUFTËTARI-APOLONIA (0-3)
