Ish-kryeministri Sali Berisha i ftuar në News 24 ka komentuar situatën politike në vend. I pyetur nga gazetarja se a do ta këshillonte Lulzim Bashën për të bërë një marrëveshje të re me Edi Ramën?
Ish-kreu i qeverisë tha se nuk mund të bëhet marrëveshje me Edi Ramën, pasi ai nuk ka moral politik, pasi ai i përdor marrëveshjet në kurriz të kundërshtarit politik.
‘Në politikë po të kthehemi 5 vjet më parë kur ambasadorja Romana Vlahutin deklaronte se nuk ka nevojë për marrëveshje këtu, unë i rikujtoj asaj të gjitha hapat e mëdha nga 1991 deri në atë vit ishin bërë me marrëveshje të mëdha. Ajo shprehu mendimin e Edi Ramës ose dhe qëllime të caktuara antishqiptare. Megjithatë kjo u kapërcye në vitin 2017-të. U bë një marrëveshje të cilën Edi Rama e përdori si një horr i vërtetë pa asnjë parim. Nëse ti arrin një marrëveshje me kundërshtarin tënd ti qëndron fisnik në ato çka realizoi marrëveshja dhe nuk përpiqesh siç u përpoq ai për të paraqitur Lulzim Bashën si një vartës të tij. Rama është i vetmi kryetar qeverie që t përpiqet me ftesat e tij të inferiorizojë kreun e opozitës. Rama nuk ka moral politik. Padiskutim marrëveshjet janë akte madhore në të cilat shoqëritë e civilizuara nuk heqin dorë. Por Edi Rama është një bastard që ndan psikologjinë e paraardhësve të tij. Në këtë kontekst unë personalisht marrëveshje me të nuk do të bëja. Rama është një monstër e këtij vendi’, deklaroi Berisha.
