Kreu i opozitës Lulzim Basha ka zhvilluar një bisedë live me qytetarët përmes rrjetit social facebook, ku ju është përgjigjur pyetjeve të tyre.
I pyetur nga qytetarët nëse do të ketë zgjedhje të parakohshme me një qeveri teknike? Basha theksoi se opozita vijon t’i qëndrojë parimeve të saj ku kërkon zgjedhje të parakohshme pa Ramën kryeministër por me një qeveri që lejon leximin e votës së qytetarëve siç ata e hedhin në kutinë e votimit.
‘Ne kemi tre kërkesa lidhur me zgjedhjet. Së pari që vendit ti jepet mundësia përmes zgjedhjet të parakohshme të zgjedhin një parlament legjitim. Së dytë që ky proces të garantojë që ky proces të jetë i barabartë, dhe së treti të kemi një arbitër të paanshme dhe jo një qeveri që të shkelë rregullat. Ne i qëndrojmë parimeve tona për zgjedhje të parakohshme pa Ramën kryeministër’, deklaroi Basha.
