Ish deputetja e Partisë Demokratike Orjola Pampuri, në një deklaratë për mediat reagoi pas fjalës së kryeministrit Edi Rama në Kuvend, i cili tha se do të ndëshkohen penalisht i gjithë zinxhiri i ndërtuesve që ka abuzuar në ndërtime pa leje.
Sipas Ramës, nëse ke ngritur vetëm një kat pa leje, e gjithë ndërtesa do të cilësohet e paligjshme.
Pampuri e cila ishte pozicionuar para ndërtesës së “Sky Tower” në zonën e ish-Bllokut, i kërkoi Ramës që ta nisë nga aty ndëshkimin, ku është denoncuar se po ndërtohet një shtesë nga miku i kryeministrit, ish-deputet i Partisë Socialiste, Robert Bitri.
Ish-deputetja deklaroi se kryeministri Edi Rama punon me dy standarde dhe se ndëshkimin duhet ta filloj pikërisht nga miku i tij.
“Le ta nisë nga kjo shtesë në këtë pallat në qendër të Tiranës. Veliaj dhe Rama i kanë firmosur një lejë ish-deputetit dhe mikut të tij. Edi Rama punon me dy standarde. Edi Rama të filloj ndëshkimin nga kjo ndërtesë. Le ta nisë ndëshkimin nga Sadri Abazi nga Tom Doshi. E ftoj Edi Ramën dhe të gjithë zyrtarët që së bashku me shkatërruesin e Tiranës, Veliajn, që ta nisin nga këtu shkatërrimin në mes të Tiranës. Edi Rama hajde këtu dhe nise nga këtu ndëshkimin”- u shpreh Pampuri.
https://www.facebook.com/partiademokratike/videos/2545840759072600/
“Në qendër të Tiranës, në këtë ndërtesë, po ndërtohet një shtesë në kat të fundit. As më pak e as më shumë është shtesa, të cilën po e ndërton vetë miku i tij, ish-deputeti i Partisë Socialiste. Edi Rama sot deklaroi që do të ketë ndëshkim për të gjithë ata ndërtues të cilët ndërtojnë shtesa pa leje. Por së pari le ta nisë ndëshkimin me ata të cilët japin lejet e ndërtimit, nga ata të cilët lejojnë këtë katrahurë që ka ndodhur në Tiranë. Këtë katrahurë në Tiranë e ka sjellë Edi Rama për 11 vjet kryetar Bashkie dhe tani, pasuesi i tij Erjon Veliaj, të cilët japin lejet e shkatërrimit që kanë bërë të mundur betonizimin e Tiranës. Edi Rama për 11 vite kryetar Bashkie, sipas raportit të OSBE-së, vuri 200 milionë euro, Erjon Veliaj është ai i cili ka dhënë lejen e ndërtimit të kësaj shtese, mbi këtë pallat dhe Edi Rama nga foltorja e parlamentit deklaroi sot se do të ketë ndëshkim për të gjithë ata ndërtues që japin leje për shtesat e pallateve. Le ta nisë nga kjo shtesë që është dhënë këtu, i është dhënë klientit të tij, ish-deputetit, mikut të tij. Edi Rama punon me dy standarde nga njëra anë kërkon të ndëshkojë ata të cilët janë qytetarë të thjeshtë, ndërtues të cilët nuk kanë lidhje me të, dhe nga ana tjetër mban dhe mbështet ndërgtuesit që janë klientët e tij, ata me të cilët ndan paratë dhe mbështetës të tij. Edi Rama le ta nisë ndëshkimin nga Sadri Abazi, le ta nisë ndëshkimin nga Tom Doshi, bnga Jurgis Çyrbja, le ta nisë ndëshkimin nga miqtë, ish-deputetët, deputetët e tij dhe nga oligarkët me të cilët ndan paratë nga mëngjesi në darkë. Ftoj Edi Ramën dhe zyrtarët e korruptuar të policisë bashkiake, të ALUIZNI-t, së bashku me shkatërruesin e Tiranës Erjon Veliaj, bashkë me Edi Ramën shkatërruesin e Tiranës si kryetar Bashkie i cili betonizoi Tiranën, ta nisin këtu ndëshkimin, nga kjo shtesë, e cila sot vijon punimet në mes të ditës. Edi Rama nise që këtu, jo nga hallexhinj, që nuk i mbështete kurrë”, ishte deklarata e plotë e ish-deputetes.
