Ish-ministri i Drejtësisë, Ylli Manjani, përmes një postimi në rrjet shprehet se me protesta e me ftesa për revolucion nuk mund të zgjidhen problemet që ka sot Shqipëria.
Manjani rendit varfërinë, ekonominë në kolaps, borxhin, koncensionet abuzive, kriminelët, sundimin, si disa nga problemet që biem dakort të gjithë.
“Besoj me mend në kokë, me ide e projekte zgjidhje mund të fillojmë të bëjmë ndo jë gjë…
Sidoqoftë po pres të dëgjoj diçka. Një zgjidhje, një ide, një projekt apo qoftë edhe një premtim”, shkruan Manjani.
Postimi nga Ylli Manjani
Jam plotësisht dakord që:
1. Varfëria dhe dallimet ekonomike janë rritur,
2. Ekonomia është në kolaps,
3. Borxhi është frikshmërisht i rritur,
4. Korrupsioni është rritur,
5. Koncensionet abuzive po zhdukin pasurinë publike,
6. Rrogat e pensionet mizerje nuk janë rritur,
7. Droga e informaliteti mban ende në këmbë kët farë soj jetese të pasigurtë,
8. Shteti u kolaps në variantin më të keq të mundshëm,
9. Territori po shfaroset njësoj si nën masa genocidi,
10. Demokracia është bërë fiksion,
11. Ligji i shkruar nuk sundon e as ekziston,
12. Politika ka gjithnjë hallet e veta,
13. Populli nuk vendos për asgjë,
14. Kriminelë, të fortë e parelinj sundojnë politikën e vendimarrjen,
15. Reformat janë fiksion ende jo realitet,
17. Rruga drejt Europës është larguar pavarësisht deklaratave prej lëmoshe që marrim,
18. Damka si kriminelë e trafikantë është më e madhe se asnjëherë më parë,
19. Nuk qeverisemi por sundohemi,
20. Fjala e mendimi i lirë kushtojnë më shumë se kurrë më parë.
Jam dakort me kaq e jo vetëm.
Por nuk po shoh e as dëgjoj se ÇFARË DO BËJMË?! SI DO TI ZGJIDHIM këto çështje, për të cilat jemi DAKORT?!
Këtu kemi ngelur…
Qartësisht me protesta e me ftesa për revolucion nuk kemi gjë në terezi.
Besoj me mend në kokë, me ide e projekte zgjidhje mund të fillojmë të bëjmë ndo jë gjë…
Sidoqoftë po pres të dëgjoj diçka. Një zgjidhje, një ide, një projekt apo qoftë edhe një premtim.
