Eksperti i Ekonomisë, Pano Soko, aktivist i shoqërisë civile, përmes një komenti në rrjetet sociale, ka ironizuar atë që po ndodh me shqiptarët, që janë të detyruar të paguajnë çmime të kripura.
Soko ka përmendur disa nga pagesat, që përfshijnë ato të parkimeve, ujit, taksat, çmimet në treg të produketeve, dhe deri te gjobat.
“Do të shkruash mendimin tënd në rrjetet sociale që kritikon qeverinë? – 1 milion lek gjobë thotë qeveria.
Do të parkosh makinën? – 1 mijë lek/ora thotë Lali €ri
Do ta mbushësh makinën me naftë? – 1800 lek/litri thotë oligarku
Ujë i papijshëm 3 orë në ditë? -650 lek/m3 thotë Bashkia
Shkon ta paguash ujin, ke dhe 10 mijë lek taksa.
Domatja 2000 lek se erdhen festat. Preshi 1000 lek”, shkruan Soko, i cili e mbyll postimin me ironinë “pashi at’Zot…se dy veshka kemi gjithsej”.
