Iris Luarasi, e cila shpeshherë ka mbrojtur vendimet e Kryeministrit Edi Rama, gjatë debateve televizive, duket e zhgënjyer nga nxitimi për miratimin e paketës anti-shpifje.
Në emisionin “Opinion”, Luarasi tha se ndryshimet e ligjit për median, për ato online, janë të nxituara.
“Po shkojmë me shumë shpejtësi drejt një gjeje që duhet menduar shumë mirë.
Ka një përpjekje për të rregulluar botën e portaleve. Sot një në tre shqiptarë ka portalin e vet. Përfaqësuesi i OSBE-së thotë se nuk do jetë pjesa e regjistrimit, me postimin e fundit.
Problemin e shikoj tek dhënia e kompetencave një organi, që de juro është a politikë, fakti që anëtarët e AMA-s zgjidhen nga pozita dhe opozita nuk e bën të balancuar.
Edhe nëse do jetë 7, siç propozohet në versionin e ri, unë them që është shumë i madh për këllqet që ka vetë AMA.
Parlamenti nuk duhet të shpejtojë, kemi një kakofoni të institucioneve ndërkombëtare. Nuk arrij ta kuptojë pse duhet gjithë ky shpejtim.
Ka kohë për ta parë ligjin dhe për ta diskutuar. Në fakt duhet vetë rregullim i gazetarisë”, tha ajo.
