Kryeministri Edi Rama ka reaguar përmes një postimi në rrjetet sociale lidhur me mbajtjen e tryezës së donatorëve, për ndihmat ndaj tërmetit të 26 nëntorit.
“Lajm te shumëdëshiruar” e ka quajtur kreu i qeverise, Edi Rama, vendimin e marrë nga KE për mbajtjen e Konferencës së Donatorëve në Tiranë, në fund të muajit Janar.
“Mbajtja e premtimit që mora nga shumë prej liderëve europianë për këtë konferencë të domosdoshme, më mbush me energji e me optimizëm për suksesin e përpjekjes që të dalim të gjithë më të fortë nga kjo tragjedi”, shkruan Rama në reagimin e tij.
Reagimi i Ramës
Është një lajm i shumëdëshiruar marrja mbrëmë e vendimit të Këshillit Europian për mbajtjen e Konferencës së Donatorëve në Tiranë, në fund të muajit Janar, me qëllim mbështetjen e Programit të Rindërtimit nga të gjitha shtetet anëtare të BE 😊🙏
Mbajtja e premtimit që mora nga shumë prej liderëve europianë për këtë konferencë të domosdoshme, më mbush me energji e me optimizëm për suksesin e përpjekjes që të dalim të gjithë më të fortë nga kjo tragjedi, duke nisur nga motrat e vëllezërit tanë fatkeq, të cilët duhet t’i rikthejmë në shtëpi më të mira se ato që humbën, si edhe nga fëmijët e tyre, të cilëve do t’u bëjmë shkolla më të mira nga ato që kishin😊
