Shqiptari tenton të vrasë gruan, i vë flakën…

Një ngjarje e rëndë ka ndodhur disa ditë më parë në një familje shqiptare në qytetin e Kalamata në Greqi.

Sipas mediave greke, burri 45-vjeçar tentoi të vriste gruan e tij duke i vënë zjarrin.

Mes çiftit kishte nisur fillimisht një konflikt verbal, pasi burri dyshonte për xhelozi.

Më pas, ai spërkati gruan e tij me benzinë dhe i vuri flakën. Kanë qenë fqinjët ata të cilët dëgjuan britmat e gruas së tmerruar dhe më pas njoftuan policinë dhe zjarrfikësen.

Ata panë se nga apartamenti i katit të 5-të të familjes shqiptare po dilte tym.

Ekipet e emergjencës që mbërritën menjëherë në vendngjarje, mundën të shuanin zjarrin në banesë. Gruaja shpëtoi, por ka pësuar djegie të rënda.

LEXO EDHE  Këto janë simptomat që tregojnë se fëmija juaj është i prekur nga Covid 19

Edhe 45-vjeçari pësoi lëndime të lehta në momentin që i vuri flakën gruas, por nuk ka rrezik për jetën. Ai është arrestuar nga policia dhe akuzohet për vrasje të mbetur në tentativë.

Në momentin e ngjarjes, dy fëmijët 16 dhe 18 vjeç të çiftit shqiptar, nuk ndodheshin në banesë.

Shtypi grek nuk ka publikuar identitetin e burrit dhe gruas, por bëhet me dije se ata jetonin dhe punonin prej vitesh në Greqi. /tvklan