Analisti Mustafa Nano, i njohur për qëndrimet pro të majtës, pavarësisht se ndodnjëherë shfaqet edhe kritik, është shprehur i shqetësuar lidhur me mënyrën se si Kryeministri Edi Rama i ka kërkuar llogari Kryebashkiakut Erjon Veliaj.
Duke shprehur keqardhjen, Nano tha mbrëmjen e djeshme në “Opinion” se ajo skena me Veliajn ishte shumë e shëmtuar, kur kryeministri i kërkon hesap në mënyrë rrugaçërore një njeri që është zgjedhur me votat e një qyteti më të rëndësishëm të Shqipërisë.
Për analistin sjelljet e kryeministrit janë bezdisëse, por sipas tij fajin nuk e ka Rama, por mediat që e transmetojnë.
“Fajin nuk e ka Rama, por televizionet që e transmetojnë. Ai do dali i favorizuar nëse për disa muaj do ketë rezultate konkrete të kapërcimit të këtij momenti dramatik. Ramës unë i jap vetëm një meritë, në planin e sensibilizimit ndërkombëtar ka ditur të punojë. E kemi parë tek RAI, e kemi parë në Turqi. Kemi parë Macron, këtu i njoh merita. Në sjelljen e brendshme mua më duket bezdisëse”, tha ai.
DENONCO