Policia në aeroportin Schiphol të Amsterdamit arrestoi një shtetas shqiptar fundjavën e kaluar pasi nga valixhia e tij fluturuan një sasi eurosh.
Sipas mediave lokale, valixhia e shqiptarit u hap në departamentin e trajtimit të bagazheve, ndërsa një sasi eurosh u shpërndanë në erë.
30-vjeçari u kap më 8 dhjetor pasi policia u njoftua nga stafi i aeroportit. Ai nuk mundi të shpjegonte se nga kishin ardhur paratë, që mendohet të ishin të paktën 50,000 €, dhe është akuzuar për pastrim parash, tha policia në mediat sociale.
Shqiptari u mbajt në paraburgim ndërsa hetimi vazhdon.