Bilanci tragjik i së hënës/ 4 të vdekur dhe një i plagosur në pak orë

Nga Boldnews.al

Katër të vdekur dhe një i plagosur. Një prej viktimave u ekzekutua me armë zjarri, dy prej tyre mbetën të vdekur në aksident rrugor dhe një tjetër u vetëvra në kushte të rënduara psikologjike. Ky është bilanci tragjik i orëve të fundit. Më poshtë, Boldnews.al ju sjell secilin prej rasteve.

***

Vrasje me armë zjarri në Kavajë rreth dy orë më parë. Fillimisht në media u raportua se një person u vra me armë zjarri, pa shumë detaje. Por më pas u mësua se pronari i një lokali ka vrarë klientin e tij.

Kavajee

Mësohet nga burime zyrtare, se të dy ishin nën efektin e alkoolit, dhe pas një konflikti për motive të dobëta, autori i identifikuar si Xhevdet Leçini 60 vjeç, ka shkuar në banesë dhe ka marrë armën e gjahut, për të ekzekutuar klientin e tij.

Dyshimet e para…

Dyshohet se vrasja e të riut, të identifikuar si Marius Ismaili 26 vjeç, ka ndodhur për shkak të një lidhje jashtëmartesore.

Kush janë autori dhe viktima?

Autori dhe viktima në krimin që tronditi Kavajën këtë mbrëmje, nuk janë të panjohur për policinë.

Një burim nga grupi hetimor tha se viktima kohët e fundit ka qenë shoqëruar disa herë në polici pasi dyshohej si shpërndarës droge, ndërsa në vitin 2012 ka qenë i arrestuar për vjedhje dhe tentativë vrasje së bashku me një person tjetër.

Në foto viktima Marjus Ismaili

Probleme me drejtësinë ka patur edhe autori i kësaj ngjarjeje, por jo këto kohë, por në komunizëm. Leçini ka qenë i arrestuar për plagosje, ku 60-vjeçari pretendonte se e ka bërë për vetëmbrojtje.

Dëshmia e autorit të vrasjes 

Xhevdet Lecini 60-vjeç, është shprehur para grupit hetimor se me viktimën dhe një tjetër person kishin që prej orës 11:00 të paradites së sotme dhe deri kur ndodhi ngjarja që pinin së bashku në lokal, ndërsa shkak i ngjarjes ka qenë një debat që degjeneroi nga sharjet në përdorimin e armës.

LEXO EDHE  "SPAK s'mund të mbingarkohet me çështje banale"/ Manjani: Na i thanë kroatët, por nuk i dëgjoi...

Kemi qenë të pirë, ishim prej orës 11:00 në tavolinë. Nuk e di si ndodhi, u errësova dhe e vrava”, mësohet se ka thënë Lecini.

Autori e kishte banesën në katin e tretë, ndërsa lokalin ku shiste edhe mish në katin e parë të pallatit.

Bëjmë me dije se krimi që tronditi Kavajën ka ndodhur në pallatin ku banon dhe Marsida Qatja. Në banesën e kësaj të fundit, pak kohë më parë mbeti i vrarë Dritan Haxholli nga ish- oficeri i burgjeve Bledar Toçi.

***

Viktimat nga aksidentet rrugore

Një aksident ndodhi pasditen e sotme në Prezë, ku një automjet përplasi për vdekje një këmbësor ende të paidentifikuar teksa kalonte rrugën. Mësohet se viktima është rreth 60 vjeç. Ndërsa drejtuesi i automjetit, A.L., është shoqëruar në ambientet e komisariatit për veprime të mëtejshme hetimore.

Bilanci për viktima nga aksidenti rrugor nuk mbyllet këtu. Pas Prezës, një tjetër aksident tragjik me pasojë vdekjen e një personi dhe plagosjen e një tjetri ndodhi në Shkodër.

Dy motorçikleta u përplasën me njëra tjetrën në hyrje të fshatit Oblikë. Menjëherë pas aksidentit, një prej tyre ndërroi jetë në vend, ndërsa i plagosuri u identifikua si Gëzim Hyseni 57 vjeç.

***

Vetëvrasje në Tiranë. Një grua rreth 65 vjeç ndërroi jetë. Sipas burimeve zyrtare nga policia, e moshuara është vetëhedhur nga kati i katërt i banesës në kushte të rënduara psikologjike.