Rrënqethëse: Vajza me sindromën Dawn dhuron pagën për të prekurit nga tërmeti (Video)

Eloida Aliaj është një vajzë me sindromën ‘Down’. Ajo kishte kuruar dhëmbët te një stomatolog në Ferizaj, i quajtur Burim Buzhala. Eloida ishte lidhur shumë pas stomatologut, i cili më pas i kishte ofruar punë me orar të shkurtuar.

Pas fatkeqësisë që zaptoi Shqipërinë me datë 26 nëntor për shkak të tërmetit me magnitudë 6.4 i shkallës Righter, vajza i kishte thënë doktorit që dëshironte  të dhuronte gjysmën e pagës së saj për të prekurit nga tërmeti.

LEXO EDHE  Qytetarët denoncojnë “T-Albania”: Oferta mbaron shpejt, internet i dobët, në Jug ikin valët

Gjesti i saj human, e kishte prekur shumë doktorin. “I thashë në rregull. Nëse ti jep gjysmën, unë do jap 10 paga për ty”, ka treguar stomatologu. Në mënyrë që të rritej shuma e donacionit, Eloida ka ofruar më pas të gjithë pagën e saj, dhe Burim Buzhala është shprehur se do të japë 20 paga për të.