Operacioni “Buna” sekuestrohen armë dhe lëndë narkotike/ Arrestohen 3 persona

Policia e Shkodrës ka sekuestruar armë zjarri dhe drogë, gjatë operacionit të kodar “Buna”.

Burime zyrtare bëjnë të ditur se u arrestuan 3 persona, të cilëve iu sekuestruan 3 armë zjarri, municion luftarak dhe lëndë narkotike kokainë dhe kanabis.

Në kuadër operacionit “Buna” u arrestuan në flagrancë shtetasit:

– M. Sh., 22 vjeç, banues në Shkodër;
– E. M., 21 vjeç, banues në Shkodër;
– E. V., 31 vjeç, banues në Shkodër.

Gjithashtu, u proçedua në gjendje të lirë B. Q., 23 vjeç banues në Shkodër.

Në vendin e quajtur “Ura e Vjetër” e Bunës, Forcat e Posaçme “Shqiponja”, kanë bërë bllokimin e mjetit tip “Volkswagen”, më të cilin udhëtonin këta shtetas dhe gjatë kontrollit fzik të tyre, policia gjeti në xhepin e xhupit të shtetasit M. Sh., një peshore të vogël elektronike, një qese me një masë kristalore e dyshuar si lëndë narkotike kokainë, dy pilula të dyshuara ekstazi dhe një sasi e dyshuar si lëndë narkotike kanabis, të cilat u sekuestruan në cilësinë e provës materiale.

LEXO EDHE  Nipi i Pablo Escobar gjen 20 milionë dollarë në një nga shtëpitë e xhaxhait

Operacioni vijoi me kontrollin e banesave të këtyre shtetasve, ku rezultoi se: Në banesën e shtetasit E. V., shërbimet e Policisë gjetën dhe sekuestruan 3 armë zjarri pistoletë, një sasi fishekësh dhe një krehër, ndërsa në banesën e shtetasit E. M., policia gjeti dhe sekuestroi edhe një sasi tjetër lënde narkotike kanabis.

Materialet iu referuan Prokurorisë së Rrethit Gjyqësor Shkodër për veprat penale të “Prodhim e shitje të lëndëve narkotike” dhe “Mbajtja pa leje armëve dhe i municionit”.