Votimi për Kryeprokuror, zbardhet qëndrimi i PS-së/ Ja për cilin kandidat do të votojnë

Grupi Parlamentar socialist vendosi në një mbledhje të zhvilluar pak minuta para mbajtjes së seancës së sotme parlamentare që të mbështesë kandidaturën e Olsian Çelës për Prokuror të Përgjithshëm.

Burime nga PS bëjnë me dije se në mbledhje është vendosur të mbështetet kandidati i parë në listën që KLP i ka dorëzuar Kuvendit, ku Olsian Çela ka marrë më shumë pikë se kryeprokurorja aktuale, Arta Marku, e cila renditet e dyta.

LEXO EDHE  Tërmeti/ Meta: Në këto momente të vështira, unë dhe populli shqiptar jemi në krah të Turqisë mike

Nuk dihet nëse PS bashkë me deputetët e asaj që quhet si opozita e re, apo të pavarurit, do të mund të sigurojnë 84 votat që duhen për zgjedhjen e Kryeprokurorit, por pavarësisht kësaj, nëse Kuvendi nuk arrin të sigurojë 2/3 e votave, atëherë detyrën e Prokurorit të Përgjithshëm e merr i pari në listën e KLP-së.