Kreu i Partisë Demokratike, Lulzim Basha prej ditësh ndodhet pranë banorëve të prekur nga tërmeti shkatërrimtar i 26 nëntorit.
Mëngjesin e sotëm ai ka qenë i pranishëm në Rrëzë të Krujës ku ka vizituar dhjetra familje të cilët me të mitur janë në qiell të hapur pasi banesat e tyre janë të pabanueshme.
Nga këto takime Basha ka publikuar disa foto në profilin e tij në Facebook, ku bën thirrje se pa humbur kohë 150 milion dollarët që janë ndarë për 10 oligarkë duhet të kalojnë për banorët e dëmtuar nga tërmeti që sot janë në qiell të hapur.
Postimi i plotë:
Dhjetëra familje me fëmijë të vegjël në Rrëzë të Krujës, kanë mbetur krejt të vetëm në përballimin e pasojave që u la tërmeti i javës së kaluar.
Për fat të mirë në këtë fshat nuk pati asnjë viktimë, por pothuajse të gjitha shtëpitë janë të pabanueshme. Asnjë masë nuk është marrë për ta. Asnjë ndihmë, asnjë çadër apo ushqim, nuk u ka ardhur nga shteti.
Duhet hapa konkretë dhe zgjidhje emergjente sepse gjendja e tyre po rëndohet edhe nga moti i ftohtë.
Pa humbur kohë 150 milion dollarët që janë ndarë për 10 oligarkë duhet të kalojnë për banorët e dëmtuar nga tërmeti që sot janë në qiell të hapur.
Qeveria duhet të nisë lëvrimin e fondeve për tu ardhur në ndihmë banorëve në zonat rurale për të cilët është e pamundur zhvendosja, në mënyrë që të nisin riparimin apo rindërtimin e shtëpive të shkatërruara.
https://www.facebook.com/166424440075412/posts/2798540733530423/?d=n
