Pasojat nga tërmeti/ Balluku: Nuk është koha për akuza, as për të gjetur fajtorë

Nuk është koha për akuza apo për të gjetur fajtorë aty ku nuk janë. Gjithçka është dokumentuar e do të shkojë për hetim, e më tej do të ketë ndëshkim për këdo që provohet fajtor.

Kështu u shpreh ministrja e Infrastrukturës, Belinda Balluku, gjatë seancës së sotme parlamentare, ndërsa kërkoi bashkëpunim në situatën pas tërmetit të 26 nëntorit, pasi ka nevojë për solidaritet.

Balluku u shpreh se për t’u ngritur nga hiri si Feniksi, shqiptarët dinë ta bëjnë shumë mirë, por mund ta bëjmë vetëm të bashkuar.

“Për të gjithë ata që thanë se ishim të vonuar u them se shteti ka qenë në këmbë, kemi qenë në këmbë jo për detyrë, por për detyrën si njerëz.

Është e lehtë të thonë sot se ça u bë gabim, por nuk di sa e lehtë do ishte të dilnin para familjes Lala e shuar dhe e mbetur vetëm me një djalë, si për të treguar që jeta dominon mbi vdekjen.
Nuk pritëm orën 07.30 jo, grupet që kemi pritur ishin të jashtëzakonshëm, italianët në Kënetë kanë qenë të jashtëzakonshëm, francezët, zviceranët, të gjithë, ata kanë kapacitetet por i kanë ngritur për shkak të problematikave që kanë pasur”, tha ajo.

LEXO EDHE  KLP komandon 5 drejtues të Prokurorisë/ Emrat

“Nuk duhet të kërkojmë fajtorë aty ku nuk ka, nga zjarrfikësit, policia, urgjenca, që ka ngritur Ogerta, urgjenca që nuk mungoi as kur dilni të gjallët e as të vdekurit, duhet të jemi të gjithë bashkë për të rindërtuar. Nuk janë 51 ata që kanë vdekur, na është goditur shpirti, të gjithëve bashkë”, tha ajo.