ONM u kërkon Komisionerëve Publik të ankimojnë vendimin për Besim Hajdarmatajn

Komisioneri Publik pritet të ankimojë vendimin e KPK-së ndaj Besim hajdarmataj, i cili në 16 tetor u konfirmua në detyrë. Rekomandimi për të ankimuar vendimin e KPK-së është bërë nga Operacioni Ndërkombëtar i Monitorimit dhe u është paraqitur Komisionerëve Publikë.

“Në datën 16.10.2019, në përfundim të seancës dëgjimore përkatëse, Komisioni i Pavarur i Kualifikimit vendosi konfirmimin në detyrë të subjektit të rivlerësimit, z. Besim Hajdarmataj, me detyrë prokuror pranë Prokurorisë së Gjykatës së Shkallës së Parë për Krime të Rënda, Tiranë.

Në datën 4.12.2019, Operacioni Ndërkombëtar i Monitorimit u ka paraqitur Komisionerëve Publikë rekomandimin për të ankimuar në Kolegjin e Posaçëm të Apelimit vendimin e Komisionit të Pavarur të Kualifikimit, për konfirmimin në detyrë të z. Besim Hajdarmataj.

LEXO EDHE  ‘Skënderbeu me origjinë sllave’/ Reagon Paskal Milo: Shpifje! Ja kush janë organizuar këto poshtërsira

Komisionerët Publikë, pasi të njoftohen me shkrim për vendimin nga Komisioni i Pavarur i Kualifikimit, do ta shqyrtojnë atë krahas rekomandimit të Operacionit Ndërkombëtar të Monitorimit.

Ky vendim ende nuk është njoftuar.

Bazuar në pikën 1, të nenit 63, të ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, Komisionerët Publikë, brenda 15 ditëve nga data e njoftimit të vendimit nga Komisioni i Pavarur i Kualifikimit, kanë të drejtë të paraqesin ankim pranë Kolegjit të Posaçëm të Apelimit”, thuhet në njoftimin zyrtar të Komisionerit Publik.