Mesfushori i Juventusit, Sami Khedira, ka kryer një operacion në gjurin e tij të majtë ditën e djeshme.
Lajmi u konfirmua nga Juventusi, teksa me njw deklaratw në faqen e tyre zyrtare njoftuan se operimi doli me sukses, dhe se koha për rikuperimin e tij do të jetë rreth 3 muaj.
Khedira ka vuajtur shumë me probleme në gju sezonin e kaluar dhe në atë aktual, dhe zgjidhja më e mirë sipas stafit të tij ishte operimi i tij.
Duke parë fazën e rikuperimit të Khediras, i cili pritet të rikthehet në fund të shkurtit ose në fillim të muajit mars, drejtuesit e kampionëve të Italisë pritet të heqin nga merkato mesfushorin tjetër gjerman Emre Can, i cili nuk ka gjetur shumë hapësira gjatë kësaj periudhe dhe kërkon largimin. Por me dëmtimin e bashkëkombasit të tij, Can do të ketë më shumë minuta dhe pritet që Juventusi të refuzojë çdo ofertë që do të vijë në drejtim të tij.
