Ish-deputetja e PD publikon fotot e pallatit në Lezhë: U desh vizita e Bashës që ekspertët ti vendosnin shiritin

Ish-deputetja e PD-së Lindita Metaliaj, nëpërmjet një statusi në rrjete sociale shprehet se disa banorë të një pallati pranë shkollës Gjergj Fishta në Lezhë, jetonin të pasigurtë në banesat e tyre pas tërmetit katastrofal që tronditi Shqipërinë.

Më tej ajo nënvizon se duhej të vinte kreu i PD-së Lulzim Basha në Lezhë, për të takuar banorët në pallatet e dëmtuara rëndë, që të zgjidhen hallet e tyre dhe ekspertët ta vlerësonin dhe ti vinin shiritin si pallat i pabanueshëm.

Prej nënëtë ditësh sipas saj, këta banorë jetonin të pasigurt, ndërsa më tej i bën thirrje qeverisë që të marri masat e nevojshme për të strehuar 14 familjet.

LEXO EDHE  Basha nxjerr videon e Ramës: I dështuar, korrupsioni rritet me hapa galopant

Reagimi i plotë i Metaliajt:

Sot ekspertet verifikuan dhe vleresuan pallatin prane shkolles Gjergj Fishta ne qytetin e Lezhes ,dhe i vendosen shiritin.

14 apartamente u vleresuan te pabanueshem!

Duhej te vinte kryetari i Partise Demokratike Lulzim Basha ne Lezhe per te takuar banoret ne pallatet e demtuara rende qe te zgjidhen hallet e qytetareve!

Prej 9 ditesh tashme keta banore jetonin te pasigurte ne banesat e demtuara rende nga termeti i frikshem.

I bej thirrje qeverise vendore dhe qendrore te marrin te gjitha masat e nevojshme te strehojne keto 14 familje!

Koha nuk pret!