Erling Haaland, hapet ankandi për norvegjezin, në janar vetëm 20 mln euro

Erling Haaland, futbollisti i Salzburgut i cili ka mahnitur Europën me golat e tij mund të bëhet shumë shpejt blerja e vitit.

Sulmuesi ka shpërthyer në Champions League duke realizuar 8 gola në 5 ndeshje ndërsa vlera e tij në merkato është rritur në nivele të frikshme për një 19-vjeçar, me shifrat që kapin shumën e 100 milionë eurove.

LEXO EDHE  Video/ Gafë trashanike e Varane, Man.City kalon në avantazh ndaj Real Madrid

Megjithatë, për Erling Haaland ekziston një klauzolë e vjetër dhe nëse futbollisti norvegjez largohet gjatë transferimeve të janarit, kartoni i tij mund të blihet për vetëm 20 milionë euro.

Borussia Dortmund është klubi më favorit për ta marrë, po ashtu, interes kanë shfaqur edhe italianët e Juventus.