Atentati te Uji Ftohtë, arrestohen edhe 3 persona/ Detajet e operacionit “Gjurmimi”

Policia e Vlorës ka vijuar operacionin e koduar “Gjurmimi”, i cili është shtrrë edhe në Itali. Policia njofton se numri i të arrestuarve lidhur me ngjarjen e ndodhur në maj të 2019 në Vlorë, ku iu bë atentat shtetasit Ines Hajrulla, ndërsa u plagos gabimisht shtetasi 63-vjeçar, D.C.

Policia njoftoi se gjatë vijimit të operacionit janë kapur dhe arrestuar 3 presona, dy prej të cilëve në Itali dhe një është kapur në Vlorë.

“Në vijim të punës intensive për zbardhjen e ngjarjeve kriminale kundër personit, të ndodhura më parë, Seksioni për Hetimin e Krimeve ndaj Personit në DVP Vlorë, në bashkëpunim me Departamentin e Policisë Kriminale Tiranë dhe nën drejtimin e Prokurorisë së Rrethit Vlorë ka bërë dokumentimin e plotë të ngjarjes së ndodhur në maj të vitit 2019, në lagjen “Ujë i Ftohtë”, ku persona të paidentifikuar qëlluan me armë zjarri në drejtim të tre shtetasve në një lokal dhe si pasojë mbeti i plagosur aksidentalisht 63-vjeçari D. C.

Në këtë kuadër gjatë orëve të fundit ka vijuar operacioni policor i koduar “Gjurmimi”, në Vlorë dhe në Itali”, thuhet në njoftimin e policisë.

Seksioni për Hetimin e Krimeve ndaj Personit në DVP Vlorë ndaloi shtetasin Xh. M., 36 vjeç, lindur e banues në Vlorë, për veprat penale “Moskallëzim krimi” dhe “Përkrahja e autorit të krimit”

Operacioni ka vijuar në Itali, ku si rezultat i shkëmbimit të informacioneve mes Interpol Tirana dhe Interpol Roma, bashkëpunimit të shkëlqyer mes Zyrave Ndërlidhëse të Policisë shqiptare në Bari e Romë në Itali dhe të Policisë italiane në Tiranë, me angazhimin e Skuadra Mobile në Romë është bërë e mundur kapja e dy personave të shpallur në kërkim ndërkombëtar, në afërsi të Romës, me qëllim ekstradimi drejt vendit tonë dhe konkretisht:

I. M., 31 vjeç dhe G. D. (Z.), 42 vjeç, të dy banues në Vlorë;

Gjithashtu është bërë shpallja në kërkim e shtetasit F. H. dhe vijon puna për kapjen e tij.

Ndaj shtetasve I. M., G. D. dhe F. H., Gjykata e Shkallës së Parë Vlorë ka caktuar masën e sigurisë “Arrest në burg” për veprat penale “Vrasja në rrethana cilësuese” e mbetur në tentativë, e kryer në bashkëpunim dhe “Armëmbajtja pa leje”.

LEXO EDHE  Denoncimi i PD: Lleshaj po shkel ligjin duke ndryshuar vendbanimet e qytetarëve

Në lidhje me këtë ngjarje, më datë 14.11.2019 janë arrestuar edhe 4 shtetas, ndërsa 1 tjetër është proceduar në gjendje të lirë.

Materialet iu referuan Prokurorisë, në ngarkim të shtetasve I. M dhe G. D, për veprat penale “Vrasja në rrethana cilësuese”, e mbetur në tentativë, e kryer në bashkëpunim, “Armëmbajtja pa Leje” dhe në ngarkim të shtetasit Xh. M, për veprat penale “Moskallëzim krimi” dhe “Përkrahja e autorit të krimit” .

Atentati i 14 majit

Në 14 maj të këtij viti, në shëtitoren e Lungomares, në Vlorë, një person i rastësishëm mbeti i plagosur gjatë një shkëmbimi me armë zjarri, nga të paktën 5 persona. Ngjarja u zhvillua në një përplasje të armatosur nga 3 persona që lëviznin me makinë e dy të tjerë, që më pas iu kundërpërgjigjën duke i ndjekur në këmbë.

Makina e atentatorëve, një fuoristradë tip “Land Rover”, nga hetimet rezultoi të ishte me targa të vjedhura. Policia ka marrë në pyetje dhjetëra persona që u bënë dëshmitarë të terrorit me armë zjarri, të cilët sqaruan momentin e ngjarjes. Të gjithë, përfshirë edhe objektivin e atentatit, iu shpëtuan plumbave, përveç një qytetari të rastësishëm, pa lidhje me ngjarjen, i cili mbeti i plagosur në këmbë, fatmirësisht jashtë rrezikut për jetën.

Dajko Cenodemaj, 58-vjeçar, punonjës në Bashkinë e Vlorës, ishte duke pirë kafe me miqtë në lokalin pranë shkëmbimit të zjarrit. Autorët janë larguar duke kanë marrë drejtimin mes rrugicave në blloqet e pallateve që ndodhen në zonë.

Pas ngjarjes, Policia ka gjetur të djegur një automjet në zonën e Babicës, në periferi të qytetit bregdetar, që dyshohet të jetë i grupit të autorëve të atentatit. Makina “Land Rover” me ngjyrë të zezë, brenda së cilës u gjetën dy armë automatike, u sekuestrua në cilësinë e provës materiale.

Shënjestra e të shtënave me armë zjarri në Vlorë dyshohet të ketë qenë një personazh jo pak i njohur për Policinë lokale. Bëhet fjalë për Inez Hajrulla, i cili kishte vetëm pak kohë që kishte dalë nga masa e arrestit shtëpiak, në detyrim paraqitje.