Aleanca për Mbrojtjen e Teatrit shprehet se përgjegjësi kryesor për katrahurën e krijuar në Durrës është ish-Kryebashkiaku, Vangjush Dako.
Përmes një postimi në faqen zyrtare në rrjetet sociale të AMT-së, thuhet se Dako drejtoi bashkinë e Durrësit për 12 vite dhe firmosi mijëra leje ndërtimi.
“Përgjejësi kryesor për këtë katrahurë është Vangjush Dako, i cili ngriti karrierën e tij si sipërmarrës betonieresh dhe drejtues lokal i zyrës së ZRPP.
Por si gjithmonë, në vend që ai dhe të ngjashmit e tij të arrestohen, ata lejohet të qarkullojnë të lirë, duke shijuar përfitimet e pasurive të vëna në kurriz të popullit shqiptar!”, thuhet në postimin e Aleancës për Mbrojtjen e Teatrit.
Postimi i AMT
Nuk jemi të varfër, jemi të vjedhur!
Në 12 vite të drejtimit të Bashkisë së Durrësit, Vangjush Dako firmosi me mijëra leje ndërtimi. Ekspertët pohojnë se një pjesë e mirë e godinave në Durrës do të duhet të shemben, pasi kanë marrë goditje të forta në strukturën mbajtëse.Shumë prej objekteve të vendosura në bregdet, nuk kanë respektuar lejen e ndërtimit, duke shtuar katet e hoteleve në përfundim të çdo sezoni turistik.
Përgjejësi kryesor për këtë katrahurë është Vangjush Dako, i cili ngriti karrierën e tij si sipërmarrës betonieresh dhe drejtues lokal i zyrës së ZRPP.
Por si gjithmonë, në vend që ai dhe të ngjashmit e tij të arrestohen, ata lejohet të qarkullojnë të lirë, duke shijuar përfitimet e pasurive të vëna në kurriz të popullit shqiptar!
#mbroteatrin #mbroshqiperine
