Tiranë/ Digjen 3 makina në një garazh, dyshohet zjarrvënie e qëllimshme

Tre automjete janë djegur në një garazh në zonën e Yzberishtit mëngjesin sotëm. Sipas informacioneve paraprake, makinat kanë qenë të parkuara në momentin që janë përfshirë nga flakët. Nga hetimet e para dyshohet për zjarrvënie të qëllimshme.

Raportohet se nëpërmjet tubave të ajrimit tymi i flakëve është ngjitur lart në pallat duke shkaktuar panik tek banorët, ndërsa për shuarjen e flakëve janë angazhuar tre zjarrfikëse.

LEXO EDHE  Basha me banorët e lagjes 18 në Durrës: Duhet veprim i shpejtë, çdo ditë që kalon e rëndon traumën tek qytetarët.

Policia dhe Grupi Hetimor ndodhen në vendngjarje për të zbardhur rrethanat dhe shkaqet e zjarrit.

Mësohet se Policia ka sekuestruar kamerat e sigurisë në zonë për të bërë të mundur identifikimin e autorit/ëve për djegien e automjeteve.