Sulmet e kryeministrit, ish-deputeti thirrje medieve: Bojkotojeni Edi Ramën

Nënkryetari i LSI-së Petrit Vasili, ka reaguar pas deklaratës së Ramës ditën e sotme për mediet, duke i quajtur “qenefe dixhitale”. Në një reagim në FB, Vasili i ka bërë thirrje medias të bojkotojë kryeministrin Rama, pas kërcënimit që ai bëri.

Rama edhe ditën e sotme nuk iu ndal sulmeve ndaj medias, e në veçanti portaleve duke i quajtur “qenefe dixhitale”. Këtyre etiketimeve nga kreu i qeverisë shqiptare, nuk i shpëtuan as mediat kosovare. Ndërkohë edhe ditën e djeshme, ai drejtoi gishtin ndaj tyre, duke thënë që të verifikohen informacionet, pasi përndryshe qeveria do të bëjë “atë që s’ua rrok imagjinata”.

Reagimi i plotë i Vasilit:

Gazetare terreni, kryeredaktore analiste,njerez te medias bojkotojeni,refuzojeni, perbuzeni Edi Ramen, qe ju quan Qenefe!!

Asnje interes ekonomik s’mund te vendoset mbi krenarine dhe identitetin personal dhe profesional te asnje punonjesi te medias.

LEXO EDHE  Një 30-vjeçar aksidentohet rëndë në punë, niset me urgjencë drejt Tiranës

Vazhdimi i pasqyrimit te ketij individi te pagdhendur,ofendues dhe agresiv eshte perdhosje e pavaresise se medias.

Dita e krenarise pa kompromis per punen e mundimshme dhe plot sakrifica, qe beni ka ardhur!

Boll më poshterimit tuaj per ca leke qeveritare qe vijne ere te qelbur.

Ja si guxon te ofendoje te gjithe median shqiptare dhe kosovare lexojeni ç’thote kryeministri sot per median:

“Ju përgjërohem sa më pak televizor, hiç portale dhe qenefe dixhitale mundësisht. Ndjesë për gjuhën, të keqen e qenefit në fakt. Por për fat të keq njësoj janë dhe mediat e Kosovës. Mirë pra, përqafime të gjithëve se çfarë nuk të vret të bën më të fortë. Lavdia më e madhe është të ringrihesh sa herë që rrëzohesh, ma besoni. E ndiej shumë fort këtë. Shqipëria do të ngrihet më e fortë”, përfundoi kryeministri.