Greqia i kërkon BE-së të nisë bisedimet me Shqipërinë dhe Maqedoninë e Veriut për hapjen e negociatave.
Kryeministri grek, Kyriakos Mitsotakis me thirrjen e tij ka sfiduar lëvizjen e Presidentit të Francës, Emmanuel Macron, për të bllokuar procesin e zgjerimit në Ballkanin Perëndimor.
Për ‘Financial Times’, Mitsotakis analizon vendimin e Presidentit Emmanuel Macron në tetor, për të vënë veton në negociatat e reja të pranimit duke e quajtur atë një gabim.
“Shpresoj që ky gabim do të korrigjohet”, tha ai.
Duke folur përpara një vizite në Londër, ku do të mbahet samiti i NATO-s, Mitsotakis kritikoi gjithashtu përshkrimin që i bëri Macron, Aleancës si “të vdekur nga truri”.
“Ndonjëherë vetë gjuha është gjithashtu e rëndësishme dhe përfundon duke sjellë rezultate të kundërta. Tjetër gjë është të thuash që Nato ka nevojë për reformë dhe është krejt ndryshe të themi se Nato është e vdekur nga truri”, thotë Kryeministri grek.
Samiti i Natos këtë javë do të zhvillohet kundër sfondit të tensioneve transatlantike mbi angazhimin e SHBA-së dhe ndarjen e barrës evropiane, si dhe zemërimin mbi ofensivën e Turqisë në Siri dhe afrimin e saj me Rusinë.
Z. Mitsotakis tha që Greqia kishte “çështjet e saj me Turqinë” – të cilën z. Macron e ka kritikuar ashpër për përfshirjen e saj në Siri pa u këshilluar me aleatët e saj të NATO-s, por prapë preferoi të ishte në gjendje t’i diskutonte ato me Ankaranë brenda aleancës Atlantike.
I pyetur për ndërhyrjen ruse në Ballkanin Perëndimor, Mitsotakis tha se “u shqetësova, u shqetësova dhe do të vazhdoj të shqetësohem. Kjo është arsyeja pse unë mendoj se vendimi i marrë në Këshillin Evropian duhet të rishikohet në vitin 2020. ”
Vendimi i Macron për të vendosur veton në zgjerimin e mëtejshëm të BE-së, zemëroi kryeqytetet e tjera, përfshirë Berlinin. Mitsotakis e nxiti atë që t’i afrohej zgjerimit të BE në Ballkanin Perëndimor, si një objektiv gjeopolitik ashtu siç kishin bërë paraardhësit e tij në Paris, për të promovuar pranimin e Greqisë katër dekada më parë.
“Nëse shikojmë kontekstin e madh gjeopolitik, është shumë e qartë se rruga evropiane duhet të mbahet e hapur për të gjitha vendet e Ballkanit Perëndimor, me kusht që të plotësojnë kërkesat, ky është jo një proces automatik, përndryshe kjo zbrazëti do të mbushet. Dhe unë gjithashtu marr disa sugjerime nga historia e Greqisë. Në vitin 1979 Greqia përfundoi negociatat për tu bërë anëtare e Komunitetit Ekonomik Evropian, sepse një president francez, në atë kohë, mori një vendim të guximshëm, duke parë kontekstin më të madh gjeopolitik, që Greqia duhej t’i përkisnin Evropës, për të kapërcyer traumën e juntë-s”, tha Mitsotakis.
“A ishte Greqia gati të bashkohej në atë kohë? Kush e di. Dhe sigurisht që procesi ishte shumë i ndryshëm në atë kohë. Por ishte një vendim gjeopolitik, ishte një vendim më i rëndësishëm për të ardhmen e vendit, në retrospektivë”.
Por zoti Mitsotakis tha se ai mbështeti fuqimisht shtytjen e z. Macron për reformën në eurozonë. Udhëheqësi grek tha se ai kishte frikë se Komisioni i ri Evropian, i cili merr detyrën këtë javë, nuk do t’i kushtojë rëndësi të mjaftueshme temës.
