Pasojat pas tërmetit/ Mjekja e njohur këshilla prindërve: Tejkaloni frikën, ja si ndikon te fëmijët

Tërmeti i 26 nëntorit shkaktoi 51 viktima, rreth 900 të plagosur, ndërkohë që qindra banesa janë shkatërruar ose dëmtuar.

Lëkundja e fortë dhe më pas disa pasgoditje me magnitudë relativisht të lartë, shkaktuar stres dhe panik te qytetarët, veçanërisht te fëmijët apo adoleshentët.

Në një postim në rrjetet sociale, pediatrja Lira Gjika i drejtohet prindërve që të marrin në dorë situatën, duke i këshilluar të tejkalojnë frikën e krijuar.

“Prindër, u vutë në provë të rëndë e të vështirë nga tërmeti. Frika nga të qenit i paaftë për të reaguar, kur gjithçka ishte në diskutim, ju ka mpirë, ju ka hutuar. Kur ndodhin situate të tilla tragjika, njeriu pushtohet nga ndjenja e braktisjes edhe pse mund të jetë midis njerzve.

Frika që e ka pushtuar e bën të tkurren brenda vetes dhe kështu, komunikimi njeri-njeri gati ndërpritet. Por sapo situate zbutet, njeriu fillon të marrë “frymë” nëpërmjet shpresës dhe gjëja e parë, që bën, fillon të komunikojë me tjetrin, ndërsa prindërit, kontrollojnë e u flasin fëmijëve. Këtë proces shpresëdhënës e udhëheq mëndja, që përpiqet të zbusë frikën e madhe, por shpesh herë njeriu nuk ja del ta “çajë” frikën dhe ngelet peng i sajë. Prindër përpiquni ta tejkaloni atë, që ndjeni, duke vënë mendjen në punë.

LEXO EDHE  "Përse nuk mbeta dhe unë brenda", dëshmia rrënqethëse e komisar Ajetit/ Si i përcolli gruan dhe vajzën në varr me fustan të bardhë

Pranoni faktin, që shkencëtarët thonë, se nuk do të ketë më lëkundje shkatrimtare, si ajo e ditës së marrtë të 26 Nëntorit. Përpiquni të flisni me fëmijët dhe kthehuni në shtëpitë tuaja, nëse nuk kanë dëmtime të rezikshme. Frika juaj sa e drejtë e normale, aq më shumë, është e domosdoshme të tejkalohet.

Frika e prindit tek fëmija, provokon frenim të psihës së tij. Prek pikërisht atë, që quhet “inteligjencë emocionale”, që është e lidhur me mirëqënien psikoemocionale të një individi. Prindër për pak kurajo, mos i lini fëmijët në këtë amulli frike”, shkruan mjekja e njohur.