Një deklaratë e bërë në media mbi situatën e tërmetit, “se është e kënaqur me 50 viktima” është bërë shkak që kryebashkiakja e Durrësit Valbona Sako të japë dorëheqjen. Një ditë pas videos që u bë virale duke ngjallur shumë reagime, Sako ka njoftuar këtë vendim të saj për dorëheqjen.
Mesazhet e Sakos, ishin pjesë të shkëputura nga intervista në media, dhe në një moment tjetër, ajo thoshte se, këta zotërinj (pra të prekurit nga tërmeti), po i çojmë në hotele, ku as nuk do të mund të shkonin me pushime.
Këto dy fjali të kryebashkiakes Sako sollën një “tërmet” dje në media, dhe komentet ishin të furishme dhe mjaft kritike. Aktin e dorëheqjes ajo e ka bërë publik, përmes një statusi në rrjete sociale.
Statusi i plotë i Valbona Sakos
“E lënduar nga reagimi i madh negativ ndaj një prononcimi që bëra, nën një stres që i kalon fuqitë e mia, jap dorëheqjen nga detyra e Kryetares së Bashkisë Durrës.
Falenderoj nga zemra të gjithë ata që më besuan dhe shpresoj në mirëkuptimin e të gjithëve.” shprehet Sako.
LEXO EDHE:
“Jemi të kënaqur me 50 viktima”, reagon Valbona Sako: Jam shumë e keqardhur
