Ministrja e Arsimit, Besa Shahini ka njoftuar se shkollat dhe institucionet parashkollore do të hapen pasi të mbyllen analizat e vlerësimeve të infrastrukturave të godinave.
Shahini ka reaguar pas një njoftimi të publikuara në rrjetet sociale, ku thuhet se mësimi në Tiranë dhe Durrës do të jetë i pezulluar deri në 9 dhjetor. Sipas ministres, njoftimi është bërë nga një faqe e rreme me emrin e saj.
“Nxënës, prindër dhe mësues të dashur! Njoftimin zyrtar për rifillimin e mësimit do ta bëj pasi të mbyllim të gjithë analizat e vlerësimeve të infrastrukturave shkollore. Ndaj, MOS MERRNI në konsideratë LAJMET “FAKE” si kjo këtu! Njoftimet e mia i publikoj tek kjo faqe dhe ato pastaj përcillen edhe në kanalet e ndryshme mediatike”, shkruan ministrja në një shënim në Facebook.
Shahini urdhëroi mbylljen e shkollave dhe institucioneve parashkollore në të gjithë vendin, pas situatës së krijuar pas tërmetit 6.4 e shkallës Rihter, që goditi vendin mëngjesin e së martës.
