“Gjyshja shpëtoi nipin me trupin e saj”/ Mediat ndërkombëtare pasqyrojnë ngjarjet tragjike nga Shqipëria

Tërmeti që goditi Shqipërinë në orën 04:00 të mëngjesit të sotëm ka shkaktuar zyrtarisht 8 viktima, ndërkohë që bilanci mund të thellohet pas raportimeve se nën rrënojat e banesave të shembura, ndodhen ende dhjetra persona.

Mediat e huaja kanë pasqyruar ngjarjet tragjike nga Shqipëria, ku viktimat janë shënuar në Durrës dhe Thumanë.

Ata e përshkruajnë gjendjen e krijuar si alarmante, ndërsa kanë publikuar edhe pamje nga ndërtesat e shembura.

“The Guardian” shkruan se nga tërmeti kanë humbur jetën të paktën 6 persona kanë humbur jetën dhe 300 të tjerë janë plagosur.

LEXO EDHE  Shpërthen bombola e gazit në Kumanovë, 3 të vdekur e 6 të plagosur

“Një nga viktimat në Durrës ishte një grua e moshuar që arriti të shpëtonte nipin duke e mbrojtur me trupin e saj”, shkruan “The Guardian”.

BBC shkruan se tërmeti i fortë shkatërroi ndërtesat duke zënë poshtë shumë persona, ndërsa shton se lëkundjet e forta u ndjenë edhe në Itali, Serbi e Kosovë.

“DW” raporton se ky është tërmeti më i fuqishëm që ka goditur vendin në dekada dhe se shumë persona kanë humbur jetën pasi i kanë zënë poshtë ndërtesat e rrëzuara.