Paketa Anti-KÇK/ Rama arrogant dhe ofendues: Reagime idiotike, s’kanë parë gjë akoma…

Kryeministri Edi Rama ka reaguar përmes një statusi në Twitter ndaj kritikave të paketës anti-KCK që prezantoi më herët gjatë ditës.

Kritikat në fakt kanë qenë të shumta, ndërsa kreu i qeverisë i quan “reagime idiote” zërat kundër paketës ligjore.

Me një qëndrim arrogant dhe ofendues, që tanimë e ka kthyer në zakon, Rama shkruan: “Pres shumë më tepër reagime idiotike ndaj paketës më agresive ligjore, që një qeveri ka formuluar ndonjëherë në këta 30 vjet, kundër krimit të organizuar dhe aleatëve të tij në sistemin e vjetër e të korruptuar të drejtësisë! S’kemi dëgjuar gjë akoma, po ama s’kanë parë gjë akoma! Operacioni Forca e Ligjit (OFL) as nuk dublon, as nuk pengon, as nuk anashkalon institucionet që po lindin nga Reforma në Drejtësi, po është  komplementar me to dhe do t’i bëjë një shërbim të madh shoqërisë, në këtë fazë tranzitore të sistemit të drejtësisë! Kaq për momentin”.

LEXO EDHE  Moti i keq, shtyhen oraret e lundrimeve të trageteve nga Durrësi