Juventus luan sot në orën 15:00, në transfertën e Fiorentinës, ndeshje e cila hap javën e 13-të, të kampionatit Italian.
Një sfidë kjo mjaft e vështirë për kampionët e Italisë, ku në tre ndeshjet e fundit ndaj Fiorentinës regjistrojnë një humbje dhe 2 barazime.
Për Juventusin mungesa e madhe do të jetë ajo e Ronaldos, i cili vuan akoma nga një dëmtim i gjurit. Në mungesë të tij, sulmin pritet ta udhëheqin dyshja argjentinase, Dybala dhe Higuain ku do të kërkojnë fitoren për tu rikonfirmuar në vendin e parë.
Ndërsa në orën 18:00, luhet në “San Siro”, një ndeshje mjaft interesante, midis Milanit dhe Napolit, ku të dyja skuadrat po përjetojnë një moment mjaft negativ dhe do të kërkojnë fitoren për të përmirësuar situatën. Milani ndodhet në vendin e 14-të me vetëm 13 pikë ndërsa Napoli e cila vitet e fundit ka qenë në ndjekje të Juventusit, ndodhet në vendin e shtatë, ku në katër ndeshjet e fundit ka marrë vetëm 3 pikë.
Interi i Contes luan në transfertë ndaj Torinos në orën 20:45, dhe në varësi të rezultatit të rivalëve të Juventusit do të kërkojnë të fitojnë terren në luftën për titullin kampion.
