Aktori i njohur i humorit ka përfunduar projektin me të cilin ka 2 vite që po merrej dhe tashmë filmin e tij mund ta shohim në çdo kinema të shqipërisë.
Filmi “Falco” i Bes Kallakut, i cili ka në qendër realitetin politiko-social të vendit tonë ka tërhequr shumë vëmendje së fundmi, sidomos pas premierës së tre ditëve më parë.
Bleona Qereti, aktore në film i ka dedikuar një status Besit, ku thotë se tashmë kinemaja shqiptare është rigjallëruar.
“E lumturuar pafundësisht që kinematografia shqiptare është rigjallëruar. Faleminderit Bes Kallaku që më dhe oportunitetin të jem në këtë projekt që unë e kam bërë me shumë dashuri. Shpresoj që brezi i ri do të rritet me të njëjtën dashuri dhe mirënjohje që kemi pasur ne kur kemi qenë fëmijë për aktorët dhe filmat shqiptarë. Falenderoj të gjithë kolegët për profesionalizmin dhe dashurinë gjatë xhirimeve të këtij filmi”, shkruan Bleona në Instagram.
Kujtojmë që disa kohë më parë në një intervistë të dhënë për emisionin “Rreze dielli”, Besi zbuloi se Bleonës i ka paguar vetëm shpenzimet e udhëtimit dhe asgjë më shumë.
“Bleona është nën kryetarja e Bashkisë dhe është kandidate për Paskuqan- Bathore. Ajo erdhi direkt nga Amerika me nja 77 fustane. Bleona ka qenë një kontratë pa pagesë. Erdhi falas. Janë paguar vetëm biletat e udhëtimeve. I dërgova skenarin dhe me shumë kënaqësi më tha që pranoj të jem pjesë e këtij projekti”, u shprehu Kallaku.
