Juventusi ka bërë të ditur se Juan Cuadrado, ka firmosur një kontratë të re me klubin deri në vitin 2022.
Pavarësisht se u bashkua te Juventusi në 2015 si anësor, këtë sezon Sarri e ka inkuadruar si mbrojtës të djathtë. Perfomancat e tij në këtë pozicion kanë bindur drejtuesit bardhezi, për zgjatjen e kontratës së tij me 2 vite, ku ajo aktuale skadonte në përfundim të këtij sezoni.
31-vjeçari ka shënuar 15 gola dhe ka dhënë 30 pasime për gol në 155 paraqitje me “zonjën e vjetër, duke fituar katër tituj kampionë dhe duke luajtur në finalen e Ligës së Kampioneve.
