Modelja e njohur Bella Hadid e pranishme në “Vogue Fashion Festival” në Paris, ka folur për problemet shëndetësore që ka pasur në fillimet e karrierës së saj.
Bella ka treguar se në moshën 18-vjeçare i është dashur të punojë 14 orë në ditë, gjë që e ka çuar drejt depresionit.
“Kam pasur shumë probleme me shëndetin pak vite më parë. Ndihem fajtore që ndonjëherë bie në depresion edhe pse kam mundësi për të bërë një jetë të mrekullueshme. Unë qaja çdo mëngjes, gjatë pushimit të drekës, qaja edhe para se të flija. Isha shumë e pa stabilizuar emocionalisht kur punoja 14 orë në ditë për 4 muaj me radhë kur isha 18 vjeçe. Mendoj se kisha nevojë të merrja pak frymë”, ka thënë ajo.
Bella ka theksuar se flet gjithmonë për betejat e saj me shëndetin, pasi dëshiron të ndihmojë të tjerët që kanë të njëjtat probleme që ka pasur edhe ajo më parë.
