Vijon përplasja e policisë me studentët. Lëvizja për Universitetin bën me dije se këtë të premte se policia ka marrë në pyetje dy aktivistë të Lëvizjes Për Universitetit të angazhuar në aksionin ndërgjegjësues në Qytetin Studenti javën e kaluar.
Sipas Lëvizjes për Universitetin, arsyeja e marrjes së tyre në pyetje nuk ishte ndonjë shkelje e mundshme e ligjit, por kërkimi me ngulmim i informacioneve për planet dhe mënyrën e organizimit të Lëvizjes Për Universitetin në prag të protestës së 4 dhjetorit.
“Në presionin ndaj studentëve janë përfshirë edhe administratorët e konvikteve, të cilët i kanë kërcënuar aktivistët tanë me përjashtim nga konvikti nëse vazhdojnë rezistencën. Policinë së qeverisë e këshillojmë të ndjekë veprimtaritë e faqes së Lëvizjes për të kuptuar çdo gjë që mund t’iu interesojë për mënyrën se si do të zhvillohet protesta e 4 dhjetorit. Kurse për administratorët e Qytetit Studenti po shohim mundësinë e ngritjes së një padie për kanosje dhe shpërdorim detyre. Ne nuk ndalemi! Frika e tyre na frymëzon”, njofton Lëvizja për Universitetin.
Lëvizja për Universitetin ka publikuar dhe një video që tregon ndërhyrjen me forcë të policisë për të prishur aksionin e së mërkurës.
https://www.facebook.com/PerUniversitetin/videos/689388321468191/?story_fbid=2517256021645700&id=651561178215203
Edhe disa ditë më parë, ka pasur një përplasje mes policisë dhe stundetëve.
https://boldnews.al/plas-ne-qytetin-studenti-policia-perleshet-me-studentet-video-dramatike/
